THE STATE LANGUAGE DEVELOPMENT INSTITUTE

МЕМЛЕКЕТТІК ТІЛДІ ДАМЫТУ ИНСТИТУТЫ

ИНСТИТУТ РАЗВИТИЯ ГОСУДАРСТВЕННОГО ЯЗЫКА

Соңғы мақалалар:

Сіздің іздегеніңіз бар ма?

БАТЫРЛАР ЖЫРЫ КЕЙІПКЕРЛЕРІН БІРІЗДЕНДІРУ

ТОЛЫҒЫРАҚ

AlmatyTil.kz – тілді үйренушілерге де, үйретушілерге де арналған ортақ мекен.

Авторы: Мейрамбекқызы Динара

19/08/2025 18:30 0 210 1

Қазақ тілін үйрену – болашаққа салынған көпір, ал оны үйрету – сол көпірді салуға қосылған үлес. AlmatyTil.kz порталы осы екі мақсатты тоғыстыратын ерекше алаң болып отыр. Бұл жерде тіл үйренуге құштар әрбір талапкер де, тіл үйретуді мұратына айналдырған әрбір ұстаз да өз орнын табады.

Порталдың алғашқы бөлімі – әдістемелік бағытқа арналған. Мұнда екі жаққа да жол ашылған: үйренушіге – тілді жеңіл әрі тиімді үйренудің түрлі әдістері ұсынылса, үйретушіге – өз тәжірибесін бөлісіп, оқыту әдістемесін жариялауға мүмкіндік беріледі. Мұнда ұстаздар өздерінің тәжірибесін, әдістемесін, жаңашыл тәсілдерін таныстырып, әріптестермен бөлісе алады. Бұл – тек оқыту емес, кәсіби қауымдастық ішінде тәжірибе алмасу алаңы.

Порталда жиналған бай ресурстар қоры – қазақ тілін үйрететін мұғалімдер үшін таптырмас қазына. Оқу құралдары, әдістемелік нұсқаулықтар, сөздіктер мен бейнеұсыныстар әрбір сабақтың сапасын арттыруға көмектеседі. Сонымен қатар, порталдың ерекше құрылымы барлық материалды деңгей бойынша жіктеп береді, бұл болса әрі үйренушіге, әрі үйретушіге ыңғайлы жағдай туғызады.

AlmatyTil.kz тағы бір маңызды артықшылығы – курстар академиялық және коммуникативтік болып бөлінген. Академиялық бағыт – филологиялық, теориялық білім алғысы келетіндерге арналса, коммуникативтік бағыт – қазақ тілін тікелей сөйлеп үйренгісі келетіндер үшін жасалған. Осылайша, әркім өзінің мақсаты мен қажеттілігіне сай бағыт таңдап, нәтижеге қол жеткізе алады.

Ең бастысы – порталдың барлық мүмкіндігі Қазақстан бойынша тегін. Бұл – қазақ тілін үйрету мен үйренудің нағыз демократиялық алаңы, білім мен тәжірибені ортақтасып бөлісетін, жаңа идеяларды жүзеге асыратын кеңістік.

Сізді де осы үлкен істің бір бөлігі болуға шақырамыз! Егер сізде сабақ берудің ерекше әдістемесі болса, оны әріптестеріңізбен бөлісіңіз. Егер тәжірибеңізді бейнематериал арқылы таныстырғыңыз келсе – дәл осы портал сізге мінбер. Өз курстарыңызды ұсыныңыз, озық идеяларыңызды жарнамалаңыз, алдыңызға жаңа үйренушілерді жинаңыз. Қазақ тілін оқытудағы тың ойларыңыз бен тиімді әдістеріңіз өзге мұғалімдерге де жол сілтеп, мыңдаған үйренушінің тілді оңай әрі қызықты меңгеруіне себепші болуы мүмкін.

AlmatyTil.kz – қазақ тілін үйретудің де, үйренудің де жаңа дәуірін ашатын орта. Бүгіннен бастап өз үлесіңізді қосып, осы мүмкіндіктер кеңістігінің белсенді қатысушысы болыңыз!